Helpu eich cleient i rannu ei ddata mewn modd syml a diogel gyda’i feddyg teulu, y Tîm Adfer, ffrindiau neu deulu.
Eich cleient sy’n rheoli ei ddata, eich cleient sy’n penderfynu pryd mae’r data’n cael ei rannu a gyda phwy.
Rhannu Gwybodaeth gyda Meddyg y Cleient
Ar ôl olrhain ei symptomau, gall eich cleient ddangos y cynnydd i’w feddyg.
Gall eu meddyg gael y wybodaeth hon yn barod ymlaen llaw ar gyfer yr apwyntiad nesaf.
Gadewch i’r wybodaeth a’r delweddu data ddangos yr hyn sydd i’w wybod.
Bydd y data ar flaenau bysedd ei feddyg a bydd yn gyfredol cyn belled â bod y cleient yn dewis gadael iddo gael mynediad.
Rhannu gyda hyder
Dim ond trwy ddefnyddio cyfrinair diogelwch y gellir cyrchu’r data. Cynhyrchir y rhain yn yr ap.
Rheoli pwy sydd â mynediad i’r data.
Rhannu eich Data
Dyma sut mae rhannu data:
Ar ôl creu trefniant rhannu gallwch chi a’ch cleient reoli mynediad i’r data:
Gellir defnyddio un o’r ddau lwybr hyn i dechrau rhannu data:
- Dechreuwch rannu yn syth ar ôl cyflwyno cofnod newydd. Bydd dau fotwm ar ddiwedd pob ffurflen, botwm “Cyflwyno” plaen a botwm “Cyflwyno a Rheoli Dewisiadau Rhannu”.
- Rhannwch trwy’r Dudalen Rheoli Rhannu Gwybodaeth y gellir ei chyrraedd trwy glicio ar yr Eicon yn y Ddewislen Ochr ar Grynodeb y cleient. Ar y dudalen honno, fe welwch fotwm sy’n caniatáu ichi greu Trefniant Rhannu newydd.
Cam 1: Dechrau Arni a Gosod Enw Derbynnydd
Yn gyntaf, gwnewch yn siŵr mai’ch cleient sy’n gwneud y cais i rannu’r data a dewiswch y tic i gadarnhau’r ffaith hon.
Ar y dudalen nesaf, nodwch yn fyr gyda phwy y mae’r wybodaeth yn cael ei rhannu (y derbynnydd trydydd parti).
Enghreifftiau: Mary Jane (ffrind); John Evans (cymydog); Dr Williams (MeddygTeulu).
Cam 2: Dewis y Data a Rennir
Dewiswch y wybodaeth y mae’r cleient am ei rhannu yn unig.
Cam 3: Rheoli’r terfynau mynediad
Gall y cleient ddewis pa mor hir y mae am i’r derbynnydd gael mynediad i’w gofnodion a / neu sawl gwaith y gellir ei lawrlwytho.
Ni fydd y derbynnydd yn gallu cyrchu’r data ar ôl cyrraedd un o’r terfynau hyn, pa un bynnag a ddaw gyntaf.
Os nad ydych chi neu’ch cleient yn sicr beth fydd angen i’r terfynau fod, ystyriwch ddefnyddio’r gwerthoedd diofyn a gyflenwir i ddechrau. Gallwch chi a’ch cleient ddod yn ôl ac ymestyn y terfynau mynediad hyn ar unrhyw adeg.
Mae’r terfynau hyn er preifatrwydd eich cleient ac mae angen iddo ystyried faint y mae’n ymddiried yn y derbynnydd i weld ei ddata iechyd.
Cam 4: Codau Diogelwch a Gwiriad Adnabod
Cam 4a: Codau Diogelwch
Bydd yr ap yn cynhyrchu tri gair diogelwch ar hap.
Os nad ydych chi neu’r cleient yn hoffi un neu fwy o’r geiriau am unrhyw reswm, cliciwch ar Newid Geiriau i gynhyrchu set newydd o eiriau.
Gwnewch nodyn o’r tri gair hyn ar gyfer eich cleient. Nid yw’r defnydd o brif lythrennau o bwys, ond bydd angen i’ch cleient roi’r geiriau hyn i’r derbynnydd yn y drefn gywir.
Sylw: Ni fydd yr ap yn dangos y tri gair hyn i chi eto.
Os bydd eichcleient neu’r derbynnydd yn eu colli, bydd angen i chi gynhyrchu set newydd o eiriau. Bydd angen i’r derbynnydd ddefnyddio’r geiriau hyn bob tro y bydd yn cyrchu’r ffeil.
Cam 4b: Gwiriad Adnabod syml
Er mwyn tawelu meddwl y meddyg ei fod yn gweld cofnod y cleient, gofynnwch iddo ateb un o’r cwestiynau dilysu syml hyn.
Dywedwch hyn wrth y derbynnydd pan fyddwch yn rhoi’r cyfrinair uchod iddo.
Gwnewch nodyn o’r cwestiwn a’r ateb hwn, parwch â’ch cyfrinair a chliciwch Nesaf.
Cam 5: Rhowch y manylion mynediad hyn i’r derbynnydd
Dywedwch wrth eich cleient am roi’r manylion canlynol i’w dderbynnydd:
- Er mwyn cyrchu’r data, mae angen iddynt ymweld â’n gwefan www.DownloadMyData.co.uk
- Y tri gair cyfrin
- Y cwestiwn a’r ateb dilysu
Rheoli mynediad i’r data
Dirymu Mynediad
Gallwch ganslo unrhyw drefniadau rhannu ar unrhyw adeg. Bydd hyn yn atal unrhyw dderbynnydd rhag lawrlwytho mwy o ddata.
Cliciwch ar yr eicon Rheoli Rhannu Gwybodaeth ar ddewislen ochr y cleient ar ei dudalen grynodeb. Bydd holl Drefniadau Rhannu’r cleient yn cael eu harddangos mewn dwy restr. Mae’r rhestr gyntaf yn cynnwys yr holl Drefniadau Rhannu gweithredol, ac mae’r ail restr yn cynnwys Trefniadau Rhannu sydd wedi dod i ben.
I ddirymu mynediad, cliciwch ar y togl wrth ymyl y Trefniant Rhannu rydych chi am ei stopio. Os yw’r cleient eisiau rhannu gyda’r derbynnydd hwn eto, bydd angen i chi ddechrau eto gyda chyfrinair newydd.
Ymestyn neu greu cyfrinair newydd ar gyfer Trefniant Rhannu
I ymestyn y Trefniant Rhannu, ewch i’r dudalen Rheoli Rhannu Gwybodaeth, a chliciwch ar unrhyw le ar y Trefniant Rhannu diddordeb a rhoddir opsiwn i chi greu cyfrinair newydd neu newid y terfynau mynediad.